Қорин ғулдирашига нима сабаб?
Ҳеч аҳамият берганмисиз, баъзи кишиларда қорн тез-тез ғулдирайди. Бу ҳолатдан улар бошқаларнинг олдида ноқулай вазиятда қолишади. Бунинг сабаби нима бўлиши мумкин, вақтида овқатланмаганданми ёки тана вазнига боғлиқмикан, деган саволлар кўпчиликни қийнайди.
Таомноманинг ўзгариши, ҳазм фаолиятининг бузилиши, ҳатто асабийлик ҳам қорин ғулдирашини келтириб чиқариши мумкин. Қориндаги “шовқин”га баҳо бериш учун бир қанча ҳолатларга эътибор қаратиш лозим. Жумладан, жиғилдон қайнаши, ошқозонда оғирликнинг сезилиши, ғулдираш куннинг қайси қисмида кўпроқ кузатилади? Шунга кўра керакли муолажа буюрилади. Дуккакли ўсимликлар, карам, узум ва сут ҳам қоринда газ ҳосил қилиб, ғулдирашни пайдо қилади.
Нодира ҲАМРОЕВА,
олий тоифали шифокор-терапевт
