Ustozimga
Bizni sevib, farzand kabi ardoqlab,
Mehr bilan boshimizni silaysiz.
Misli quyosh qalbimizni yoritib,
Bilim berib, kelajakka yo'llaysiz.
Atrofingiz turnaqator o'raymiz,
Ustoz, desak yashnab ketar yuzingiz.
Volida-yu padar kabi ardoqli,
Dilga yaqin har bir aytgan so'zingiz.
Sinfxona Siz tufayli nurxona,
Salom berib zumda kutib olamiz.
To'g'ri yo'lni ko'rsatasiz hamisha,
O'gitingiz dilda, sodiq qolamiz.
E'zoza USMONXO'JAYEVA,
Toshkent shahar, Shayxontohur tumanidagi 34-maktab o'quvchisi
