Oqil Sobirjonov sovrindor bo‘ldi
Ot sportining konkur yo‘nalishi bo‘yicha tashkil etilgan “Rossiya ot sporti federatsiyasi kubogi” xalqaro musobaqasida qatnashgan Oqiljon Sobirjonov gran-prida 3-o‘rinni egallab, bronza medaliga sazovor bo‘ldi.
Rossiya, O‘zbekiston, Belarus, Qozog‘iston kabi mamlakatlar chavandozlari ishtirok etgan nufuzli turnirda vakilimiz barcha to‘siqlardan xatolarsiz o‘tdi va sovrindorlar safidan joy oldi.
Oqil Sobirjonovning Rossiyadagi muvaffaqiyati yaqinlashib kelayotgan Osiyo o‘yinlari oldidan chavandozlarimizning kayfiyati va ruhiyatini ko‘targani ijobiy hol.
T. ORTIQOVA
