“Саломатлик поезди” Навоий вилоятида
“Соғлом авлод учун” халқаро хайрия фонди ва “Ўзбекистон темир йўллари” акциядорлик жамияти ҳамкорлигида ташкил этилган “Саломатлик поезди” “Халқ билан мулоқот ва инсон манфаатлари йили” Давлат дастурида белгиланган вазифалар ижросини таъминлаш мақсадида Навоий вилоятига жўнаб кетди.
Ушбу хайрия тадбири доирасида малакали шифокорлар ҳамда “Соғлом авлод учун” халқаро хайрия фондининг кўчма тиббий-ижтимоий ёрдам бригадаси ходимлари вилоятнинг чекка ҳудудларида бўлиб, аҳолига тиббий хизмат кўрсатади. Шунингдек, ижтимоий кўмакка муҳтож аҳолига, тиббий-ижтимоий муассасаларга 13 466,4 миллиард сўмлик дори-дармон, гигиена воситалари ҳамда инсонпарварлик ёрдами етказиб берилади.
