Туризм: Ўзбекистон дунё нигоҳида
“Ўзэкспомарказ”да “Дам олиш дунёси – 2017” V халқаро Ўзбекистон сайёҳлик кўргазмаси бўлиб ўтди.
Тадбир маҳаллий ва хорижий туроператорларга янги мавсум олдидан ўз хизмат ва имкониятларини намойиш этиш, корпоратив мижозлар билан шартномалар тузиш, таътил мавсумига оид режалар ишлаб чиқиш учун қулай имкониятлар яратди. Бешинчи маротаба ўтказилган кўргазмада Бельгия, Бирлашган Араб Амирликлари, Буюк Британия, Германия, Жанубий Корея, Испания, Италия, Латвия, Малайзия, Миср, Озарбайжон, Россия, Сингапур, Таиланд, Туркманистон, Туркия, Франция, Хитой, Япония, Қирғизистон, Қозоғистон, Ҳиндистон каби мамлакатлардан 200 га яқин фирма ва компания вакиллари иштирок этди.
