Bolalar xandasi
Ikki daqiqada
Bir o‘quvchi ikkinchisidan so‘radi:
– Masalani to‘g‘ri yechibsan. Qancha vaqtda bajarding?
– Ikki daqiqada.
– Qoyil. Men yarim soatdan ortiq vaqt sarfladim.
– Sen tanaffusga chiqib ketganingda daftaringni varaqlashga bir daqiqa ketdi. Yana bir daqiqada ko‘chirib qo‘ydim.
***
Ona va bola
Оna qo‘llari kir-chir holda ko‘chadan kirgan o‘g‘lini koyidi:
– Hoy, bola sening qo‘ling hech suv ko‘radimi, o‘zi?
– Qanday qilib suv yoki ariqni ko‘rsin. Axir qo‘limning ko‘zi yo‘q-ku.
Turonbeka ShAROFUTDINOVA
