Эътирофга муносиблар тақдирланди
“Истиқлол” санъат саройида маданият, санъат, бадиий ижод, журналистика ва спорт соҳалари соҳаларида салмоқли ютуқ ва муваффақиятларга эришган бир гуруҳ ижодкорлар, ҳунармандлар ва спортчиларни “Эътироф – 2016” мукофоти билан тақдирлаш маросими бўлиб ўтди.
Мазкур тадбир уч йилдан буён ўтказиб келинмоқда. Бу йил илк бор ҳар бир йўналиш бўйича ҳакамлар ҳайъати номзодларга онлайн овоз берди. Бу ғолибларни аниқлаш жараёнини томошабинлар кўз ўнгида очиқ ва ошкора ўтказиш, бу борада турли нохолисликлар ва бир ёқлама ёндашувларга йўл қўймаслик мақсадида ташкил қилинди. Бу йил мукофотга номзодлар қирқ тўққиз номинация бўйича аниқланиб, совриндорларга “Эътироф – 2016” мукофотининг статуэткаси ва дипломи топширилди.
