Кундузги оромгоҳларда таътил
Жиззах вилоятида ташкил этилган 60 та кундузги оромгоҳда 5 минг 225 нафар ўқувчининг таътилни мароқли ўтказиши учун барча шароит яратилган.
Жиззах шаҳридаги 2-умумтаълим мактаби қошидаги “Лочин” оромгоҳига 110 нафар ўқувчи жалб қилинган. Футбол, волейбол, баскетбол майдончалари, стол тенниси, шахмат ва шашка тўгараклари болалар билан гавжум. Ўқувчиларнинг бўш вақтини тўғри ва самарали ташкил этиш учун тасвирий санъат, бадиий ижодиёт, инглиз тили ва умумтаълим фанлари тўгараклари, маънавият ва маърифат хонаси фаолият кўрсатмоқда.
