Сунъий тирноқлар хавфли…ми?
Табиий тирноқлар устига ёпиштирилган сунъийси уларни кислороддан маҳрум этишини биласизми?
Жисмимиздаги барча аъзолар қатори тирноқлар ҳам нафас олади. Агар уни устини лак билан қопласак ёки устига сунъий тирноқлар ёпиштирсак уларни “бўғиб қўямиз”. Натижада ҳавосиз муҳитда турли замбуруғли касалликлар ривожланади. Тирноқлар ранги табиий жилосини йўқотади. Рангпар ва мўртлашиб қолган тирноқларга бир оз дам бериш лозим. Сунъий тирноқларни косметолог махсус суюқлик ёрдамида олиб ташлайди ёки уй шароитида ўзингиз ҳам мутахассис маслаҳатига амал қилган ҳолда буни бажаришингиз мумкин.
