Тез тайёрланадиган қон яратилади
Руминиялик олимлар томонидан сув, туз ва оқсилдан тайёрланган сунъий қон сичқонларда муваффақиятли синовдан ўтди. Энди у одамларда синаб кўрилади.
Олимлар бу борадаги тажрибани 2014-2015 йилларда ўтказишга умид қилмоқда.
Келажакда мутахассислар бир зумда тайёрланувчи қонга эга бўлишлари мумкин. Бунда донорлик қонига қарам бўлмаслик учун сувга асосан туз ва таркибида темир моддаси бўлган гемэритрин оқсилидан иборат аралашма қўшиш керак бўлади, холос. Гемэритрин оқсили бўғимли чувалчангларнинг баъзи бир турларида кислород етказиб бериш функциясини бажаради.
Ҳозирга қадар сунъий қон ишлаб чиқиш борасидаги барча уринишлар муваффақиятсизлик билан якунланаётган эди, деб ёзади “Daily Mail” нашри. Сўнгги пайтларда найчали ҳужайралардан сунъий қон яратиш борасидаги уринишлар истиқболли ҳисобланмоқда. Шунингдек, олимлар таркибида темир моддаси бўлган мураккаб оқсил, яъни гемоглобинни тайёрлаш борасида ҳам ишлар олиб бормоқда.
Cаҳифани Ф.Толипов ва Н.НОРБОБОЕВ тайёрлади.
