Жавоҳирлар сандиғи
Нафъинг агар халққа бешакдурур
Билки, бу нафъ ўзунгга кўпракдурур.
***
Илмни ким воситайи жоҳ этар,
Ўзинию халқни гумроҳ этар.
***
Ўз вужудингга тафаккур айлагил,
Ҳар не истарсен, ўзунгдин истагил.
***
Халойиққа кўрма қилиб бенаво,
Ўзингга раво кўрмаганни раво.
***
Одами эрсанг демагил одами,
Ониким йўқ халқ ғамидин ғами.
***
Менга не ишқу, не ошиқ ҳавасдур,
Агар мен одам ўлсам, ушбу басдур.
***
Юз жафо қилса манга бир
қатла фарёд айламон,
Элга қилса бир жафо, юз
қатла фарёд айларам.
***
Бордур инсон зотида онча шараф, –
Ким ямон ахлоқин этса бартараф.
***
Хуш дурур боғу коинот гули,
Барчадин яхшироқ ҳаёт гули.
***
Кимки жаҳон аҳлида инсон эрур,
Билки, нишона анга иймон эрур.
Алишер НАВОИЙ
