Аслида қандай?
Биз турли ҳайвонлар ҳақида ҳар хил қизиқарли маълумотларга эгамиз. Аммо уларнинг ҳаммаси ҳам чинми? Йўқ албатта. Уларнинг айримлари билан танишинг.
Ёлғон: Буқаламун ўз рангини яшириниш учун ўзгартиради.
Ҳақиқат: Унинг рангини ўзгариши кайфияти билан алоқадор.
Ёлғон: Буқалар қизил рангни кўрганида ғазабланади.
Ҳақиқат: Улар рангни кўрганида эмас, балки ҳаракатни кўриб ғазабланади, холос.
Ёлғон: Сичқонлар пишлоқни жонларидан ортиқ яхши кўришади.
Ҳақиқат: Пишлоқ уларнинг севимли таоми эмас.
Ёлғон: Юмронқозиқнинг кўзлари кўрмайди.
Ҳақиқат: Унинг кўзлари кўради. Аммо, жуда ёмон.
Ёлғон: Туяқуш хавфни сезганида бошини қум остига яширади.
Ҳақиқат: У ҳар қандай хатарга дуч келганида, бошини қумга яширмайди, балки оёқларини ишга солиб қочишга уринади!
Ёлғон: Итлар дунёни оқ ва қора рангларда кўришади.
Ҳақиқат: улар дунёни турфа рангларда кўришади, шунчаки одамлар сингари рангларни аниқ фарқига бориша олмайди, холос.
Ёлғон: Агар сизга “Юришинг филга ўхшайди, бутун ерни титратиб юборасаней”дейишса, асло ишонманг.
Ҳақиқат: Филлар овоз чиқармасдан ҳаракатланишади.
Хуршида ҲУСЕНОВА
