Yana bir sport maktabi foydalanishga topshirildi
Poytaxtimizning Mirobod tumanida Sport o‘yinlari va yengil atletika bo‘yicha ixtisoslashtirilgan bolalar-o‘smirlar sport maktabining yangi binosi foydalanishga topshirildi.
Zamonaviy inshootda sport zali va futbol maydoni, yuvinish, kiyim almashtirish xonalari mavjud. Maktab jahon andozalariga javob beradigan sport jihozlari bilan ta’minlandi.
Yangi majmuada sportning beshta turi bo‘yicha sportchilarning mashg‘ulotlarini tashkil etish, shuningdek, turli darajadagi sport musobaqalarini o‘tkazish mumkin.
