Савобли иш – кўнгилларни этар хуш
“Болалар ва оилаларни қўллаб-қувватлаш ассоциацияси” ҳамда пойтахтимиздаги “ZAR – STOM” стоматология клиникаси “Тиббиёт ходимлари куни” муносабати билан хайрия акциясини ўтказди.
Клиника бош шифокори, тиббиёт фанлари номзоди, олий тоифали стоматолог Шоҳида Ибрагимова, ёш стоматолог-ортодонт Динара Ибрагимова, шунингдек, ҳамшира Ольга Воробьёвалар кам таъминланган, кўп болали оилаларда тарбияланаётган болалар ва уларнинг оналарини тиббий кўрикдан ўтказишди. Шунингдек, тадбирда акция иштирокчиларига оғиз бўшлиғи гигиенаси, кариес ва пародонтознинг олдини олиш ҳақида батафсил маълумот берилди.
Г. ШИРИНОВА
