Iqtidorli yoshlarning zamonaviy ta’lim maskani
Nukus shahridagi 34-umumta’lim maktabida 1 ming 76 nafar o‘quvchi ilg‘or pedagogik ta’lim standartlari asosida saboq olmoqda.
Maktabning o‘quv sinflari, laboratoriya, kompyuter xonalari zamonaviy o‘quv jihozlari va ko‘rgazmali qurollar bilan ta’minlangan. Boy kitob fondiga ega axborot-resurs markazi doim yoshlar bilan gavjum. Fan, ijod va sport yo‘nalishida 30 ga yaqin to‘garak faoliyati samarali yo‘lga qo‘yilgan.
