100 NAFAR POLVON 10 VAZN TOIFASIDA
Respublika olimpiya zaxiralari kollejida yunon-rum kurashi bo‘yicha 1998-1999 yillarda tug‘ilgan yosh polvonlar o‘rtasida xalqaro turnir o‘tkazildi. Unda yurtimiz sportchilari bilan birga Qozog‘iston va Tojikistondan jami 100 nafardan ziyod sportchi 10 vazn toifasida bellashdi.
Ushbu musobaqadan ko‘zlangan asosiy maqsad mamlakatimizda yoshlar o‘rtasida sportni, jumladan, yunon-rum kurashini yanada ommalashtirish, iqtidorli yosh sportchilarni qo‘llab-quvvatlashdir.
Turnirda sportchilarimizdan Doston Tursunboyev, To‘rabek Tirkashev, Zufar Sohibov, Javohir Tog‘ayev, Saidshahrom Mo‘minov, Shohrux Karimov, Abubakr Alimov, Akbar Ikromov, Temurbek Mamajonov, Doston Saidqulov o‘z vazn toifasida g‘oliblikni qo‘lga kiritdi.
