E’tirof
Kuni kecha poytaxtimizdagi “Turkiston” saroyida 3-may – Jahon matbuoti erkinligi kuniga bag‘ishlab o‘tkazilgan tantanali marosimda jurnalistika sohasidagi “Oltin qalam” IX Milliy mukofoti xalqaro tanlovi g‘oliblari va sovrindorlari taqdirlandi.
Mamlakatimizda “Sog‘lom bola yili” Davlat dasturi doirasida sog‘liqni saqlash tizimini takomillashtirish, onalik va bolalikni himoya qilish, oilalarda sog‘lom muhitni kuchaytirish, tibbiy madaniyatni oshirish, bolalar sportini rivojlantirish borasida olib borilayotgan sa’y-harakatlarni keng va tahliliy yoritgani uchun “Sog‘lom avlod” gazetasi tahririyati ham g‘oliblar safidan joy oldi. “Oltin qalam” IX milliy mukofoti xalqaro tanlovining “Bosma OAV” yo‘nalishida birinchi o‘ringa loyiq topildi.
