Internetdan foydalanish madaniyati
Poytaxtimizning Chilonzor tumanidagi “1-Qatortol” mahallasida Toshkent shahar “Sog‘lom ona va bola” ayollar va yoshlar markazining “Oila madaniyati – yurt tinchligi” mavzuidagi “Salohiyat” ko‘chma klubining navbatdagi tadbiri bo‘lib o‘tdi.
Tadbirda so‘zga chiqqanlar oilaviy qadriyat, an’analarning ahamiyati, ularning milliy qonunchiligimizda ifodalanishi, onalik va bolalik davlat himoyasida ekanligi haqida to‘xtalib o‘tdilar. Shuningdek, oilalarning mutolaa madaniyatini yuksaltirishga bag‘ishlangan “Kitob – tafakkur xazinasi” mavzusidagi muloqotda internetdan foydalanish madaniyatiga alohida e’tibor berildi.
