Кўк чой семизликдан сақлайди
Хитойлик олимлар ўтказган янги тадқиқот кўк чой таркибидаги галлат эпигаллокатехина моддаси семизликдан ҳимоя қилишини исботлади.
Тадқиқотчилар уч ойлик сичқонларни учта гуруҳга ажратди. 1-гуруҳ плацебо парҳезида, 2–3гуруҳ фруктоза (меваларда, асалда ва айрим ўсимликларнинг баргида бўладиган углевод) ва ёғли парҳезда ушлаб турилди. Фарқли равишда учинчи гуруҳга 2 граммдан галлат эпигаллокатехина моддасини сувга қўшиб бериб турилди. Тадқиқот 16 ҳафта давом этди.
Кузатувлар натижасида 2-гуруҳдаги сичқонларда 1-гуруҳга қараганда кўпроқ, 3-гуруҳга нисбатан эса анча кўп вазн ортиши қайд этилди.
Миржалол Мадвалиев тайёрлади.
