Ўзбекистондаги энг йирик иссиқхона ишга тушади
“Gold Agro Fresh” агрофирмаси Сурхондарё вилоятида нархи 35 миллион долларлик йирик иссиқхонани ишга туширади. Бу ерда мингдан зиёд иш ўрни ташкиллаштирилади ва ҳар йили 30 миллион долларлик маҳсулот экспорт қилинади.
Айни дамда бу ерда синов тариқасида 20 гектар майдонда 15 та блок ишга туширилган. Иссиқхонанинг барча – 70 та блоки ишга туширилгач, унинг майдони 100 гектарга етади. Бундан ташқари, 434 гектарга мавсумий маҳсулотлар етиштириш, келажакда эса 100 гектар майдонда интенсив боғлар ташкил этилиши ҳам режалаштирилган.
