САРАТОННИ АНИҚЛОВЧИ УНИВЕРСАЛ ТЕСТ
Американинг Иллумина компанияси саратон хасталигининг ривожланишини дастлабки босқичларида аниқлаш учун универсал тест ишлаб чиқариш бўйича лойиҳанинг бошланганлиги тўғрисида маълум қилди.
“Граил” номини олган лойиҳани амалга ошириш учун янги компания ташкил этилади. Лойиҳага аллақачон 100 миллион доллардан ортиқ маблағ киритилди. Лойиҳа учун бир қатор компаниялар инвесторлик қилмоқда.
Иллумина қон таҳлили бўйича тестларнинг 2019 йилдан бошлаб қўллана бошланишини режалаштирмоқда. Тестни бир марта ўтказиш минг доллар атрофида бўлиб, уни одатдаги шифокорлар ҳузурида ёки махсус марказларда ўтказиш мумкин бўлади.
Таҳлил технологияси “суюқ биопсия” деб аталиб, унинг ёрдамида инсон қонидан саратон ҳужайраларининг ДНК фрагментлари қидирилади.
