ИСТИҚЛОЛ ҒУНЧАЛАРИ
Ёз мавсумида болажонларнинг мароқли ва мазмунли дам олишларини таъминлаш мақсадида мактабгача таълим муассасаларида бир қатор хайрли ишлар амалга оширилмоқда.
Ана шундай тадбирлардан бири – “Истиқлол юлдузчалари” истеъдодли болалар фестивали Қибрай тумани Халқ таълими муассасалари фаолиятини методик таминлаш ва ташкил этиш бўлими тасарруфидаги 20-мактабгача таълим муассасасида бўлиб ўтди.
Мазкур танловда тумандаги ҳудудлардан ғолиб топилган МТМ тарбияланувчилари иштирок этди. Унда ҳар бир жамоа ўзининг куй-қўшиқлари, рақслари билан йиғилганларни хушнуд этди. Жажжилар чучукгина тили, нозик ҳаракатлари билан йиғилганларни бир зум болаликни хотирлашга ундади.
Ғолиб ва совриндорларга эсдалик совғалари топширилди.
Шаҳрибону ИМОМОВА
