Товонлар учун уқалагич
Фаолияти сабаб, кун бўйи ўтириб меҳнат қиладиган кишилар ҳамда соғлигини бой бериб, оёғи хасталанган беморлар ўз саломатлигини мустаҳкамлашлари учун унча мураккаб бўлмаган жисмоний машқларни бажаришлари зарур. Бироқ, товонлар учун уқалагич пайдо бўлиши билан оёқларни соғломлаштириш борасида ортиқча ташвишга ўрин қолмайди.
Мазкур қурилма мушакларни ҳаракатга келтириб, танада қон айланишини яхшилайди. Товонлар учун ўрнатилган ҳар битта лаппакдаги учтадан тебранишли бошчалар асосий ишни бажаради. Бундан ташқари ҳар эҳтимолга қарши совуқ кунларни ҳисобга олган ҳолда ушбу уқалагичга иситгич ҳам ўрнатилган.
Дизайнернинг фикрига кўра, мазкур қурилма оёқдаги шишлар, варикоз ва тромбоз касалликларини бартараф этишда ҳам қўл келади.
МЕҲРИБОНУ
