Nega inson ko’zyoshlari turlicha kimyoviy tarkibga ega?
Inson ko’zyoshining uch turi mavjud: fundamental (boshlang’ich, asosiy), refleks hamda emotsional (hissiy). Ular kimyoviy tuzilishi jihatidan farqlanadi. Bazal (fundamental) ko’zyoshlar kichik hajmli doimiy qatlamga ega ekanligi bilan farqli, u ko’zni namlantiradi hamda uni chang va bakteriyalardan himoyalaydi. Ikkinchi turdagi ko’zyosh esa tananing stimullarga, masalan, begona zarrachalar, piyoz suvi yoki gazga reaksiyasi natijasida kelib chiqadi. Uchinchi tur esa ijobiy va salbiy hissiyotlarni o’z ichiga oladi — ular inson yig’laganda paydo bo’ladi. Ular bazal va refleks ko’zyoshlardan farqli o’laroq, yuqori konsentratsiyadagi prolaktin va ACTH gormonlaridan tashkil topadi. Ularni hatto hidi orqali ham ilg’ash mumkin.
Dilruh Isomiddinova
