Эмлашдан кейин нималарга аҳамият қаратиш лозим?
Ҳар бир бола ёшлигида оғир ва ҳар хил касалликларга чалинмаслиги учун эмлашни бошидан ўтказади. Эмлаш кўп ҳолатларда реакция бериши ҳам мумкин. Аммо у шифокорлар томонидан тўғри амалга оширилса, деярли салбий таъсирлар бўлмайди. Бунинг учун ота-она ҳам боласини эмлатиш қоидаларини билиши керак.
- Болада шамоллаш аломати кечаётга бўлса, эмлаш мумкин эмас. Бутунлай тузалгандан сўнг, эмлашни амалга оширса бўлади;
- Эмлашлар орасидаги муддат камида 1 ой бўлиши керак;
- Ёзнинг чилласида болани эмлаш тавсия этилмайди;
- Эмлашдан олдин ва ундан бир неча кун кейин бола билан одамлар кўп тўпланган жойларга бормаслик тавсия этилади;
- Бир ёшгача бўлган болалар рационига эмлашдан бир неча кун олдин ва кейин янги маҳсулотларни киритиш мумкин эмас;
- Эмлаш даврида эмизишни давом этиш жуда муҳим;
- Болани эмлаётганингизда бола ва унинг оила аъзолари соғлом бўлиши керак;
- Эмлашдан сўнг болани камида бир кун давомида чўмилтирмаслик лозим.
Таъқиқланадиган ҳолатлар - Агар болада олдин қайсидир прививкага қаттиқ реакция бўлган бўлса, шу турдаги прививкани олишдан олдин врачга болада бўлиб ўтган реакция ҳақида хабар беринг;
- Болада иситма билан боғлиқ бўлмаган тутқаноқ (судорга) ҳолати бўлган бўлса;
- Эпилепция касаллиги бўлса;
- Бола касал бўлиб, иситмаси чиқаётган бўлса;
- Қилинаётган прививка касаллиги юқиб бўлган бўлса;
- Эмланишдан сўнг бола бошқа мамлакатга кетаётган бўлса.
Аҳамият беринг…
Эмлашдан сўнг бола тана ҳарорати кўпи билан 38.5 даражагача кўтарилса, бу нормал реакция ҳисобланади. Болага кўп ичимлик ичириш тавсия этилади. Керак бўлса, иситма туширувчи сироп ичириш ҳам мумкин.
Эмлашга бўладиган реакция кўпи билан 2 кун давом этиши керак. Ундан ортиғи бошқа касаллик ёки аллергик ҳолат мавжудлигидан далолат бериши мумкин, шунинг учун бундай ҳолларда шифокорга мурожаат қилиш талаб этилади.
Ф.РАҲИМОВА тайёрлади
