Oромгоҳларда маданий тадбир
Жорий йилнинг 17-18 июль кунлари Навоий вилояти Кармана туманидаги «Офтобжон» ёзги болалар оромгоҳида ва Навоий шаҳар 13– сонли мактабдаги «Радуга» ёзги болалар оромгоҳида «Соғлом авлод учун» халқаро хайрия жамғармасининг Навоий вилоят минтақавий филиали ҳамда вилоят ОИТС макази томонидан ташкиллаштирилган «Ёз – ўтмоқда соз» мавзуида маданий тадбир ўтказилди.
Оромгоҳларда ўтказилган тадбирда дам олувчи болалар «ОИТСсиз ҳаёт», «Соғ танда – соғлом ақл», «Обод турмуш йили» каби кўплаб мавзуларда турли крассвордлар ечиш, қоғоз ва асфальтга мавзуга доир расмлар чизиш, шахмат мусобақаси каби беллашувларда куч синашиб, ғолиб бўлганлар ҳомий ва ташкилотчилар томонидан фахрий ёрлиқ ва эсдалик совғалари билан тақдирландилар.
Табдирнинг ўтказилишидан кўзланган мақсад ёшларнинг мавзуга оид билимларини мустаҳкамлаш, тиббий-маданиятини ошириш ва улар орасида соғлом муҳитни шакллантиришдан иборат.
