Куни кеча Тошкент давлат Аграр университетида 17 июнь – “Бутунжаҳон чўлланишга ва қурғоқчиликка қарши кураш куни” муносабати билан семинар бўлиб ўтди.
Тадбирда экология фанини ривожлантириш, ёшларда экологик маданиятни юксалтириш бўйича Ўзбекистон Республикаси Вазирлар Маҳкамасининг 2013 йил 1 майдаги комплекс чора-тадбирларини бажариш юзасидан "Экология фанини ривожлантириш ва атроф-муҳит муҳофазаси" мавзуси юзасидан мутахассис олимлар, профессор-ўқитувчилар ва талабалар ўзаро фикрлашдилар.
Тиббиёт фанлари доктори, профессор Ш.Отабоевнинг "Экологик мувозанат бузилишларининг инсон саломатлигига салбий таъсир этувчи физик, кимёвий, биологик ва ижтимоий омиллари" мавзуидаги маърузаси барчага манзур бўлди. Маърузада таъкидланганидек, атмосферага тарқалаётган заҳарли моддаларнинг 70 фоизи автомобиллардан ажралиб чиқади. Шунингдек, ишлаб чиқариш корхоналаридан чиқаётган заҳарли моддалар ҳам инсон организмига, айниқса, репродуктив саломатликка салбий таъсир кўрсатади. Шу боис, бу муаммога қарши барча биргаликда курашмоғи лозимлиги таъкидланди.
Тадбирда "Ўрмончилик ва экология" кафедраси профессори А.Қаюмов айтилган фикрларга ўз муносабатини билдирар экан, она Заминимиз, табиат ато этган ўсимликлар дунёси, атроф-муҳит озодалигини асраш шу маконда яшаётган ҳар бир инсоннинг муқаддас бурчи экани, ёшларимиз бу борадаги билим ва кўникмаларини янада мустаҳкамлашлари кераклигини айтиб ўтди.
Семинарда "Соғлом авлод" газетаси катта мухбири Муҳаббат Хўжамуродова ўз нашри ва унда "Борлиқ-борлиғим менинг" рукни билан чоп этилаётган туркум мақолалар хусусида гапириб, ушбу мавзуга оид газеталарни семинар қатнашчиларига тақдим қилди.
Тиббиёт янгиликларидан хабардор бўлинг!
«Соғлом Авлод» расмий Telegram каналига аъзо бўлинг.
Шу мавзудаги бошқа мақолалар
Барчаси
Тиббий сабоқларБолалар учун ингаляция: ота-оналар билиши шарт бўлган қоидалар
Совуқ ҳарорат аксарият ҳолларда саломатликка салбий таъсир қилиши аниқ. Оқибатда турли вирус ва бактериялар таъсирида грипп ва ўткир респиратор вирусли инфекциялар кўпаяди. Айниқса
Тиббий сабоқларБошни ювиб, кўчага чиқиш соғлик учун хавфли
Баъзи инсонлар қандай шароит бўлмасин, тонгда илиқ ванна қабул қилишни хуш кўради. Айримлар эса эрталаб бошини ювиб, ишга ёки ўқишга боришга одатланган. Хўш, бу қанчалик тўғри? Бош
Тиббий сабоқларКўкйўтал қандай хасталик?
Кўкйўтал нафас йўлининг жуда хавфли бактериал инфекцияси ҳисобланиб, унга йўлиққан киши йўталиши ёки акса уриши оқибатида ҳавога микроб тарқалади ва шу яқин атрофда нафас олган кши
Тиббий сабоқларАнтибиотикларни қабул қилгандан кейин ичак микрофлорасини тиклашда...
Антибиотиклар – инфекцияли касалликларни даволашда энг самарали воситалардан. Аммо улар фақат зарарли бактерияларни эмас, балки ичакдаги фойдали микроорганизмларни ҳам «ўлдиради».