Тиббиёт соҳасида янги кашфиёт
Хитойликлар одамнинг сунъий терисини 3D принтерда босиб чиқаришни режалаштирмоқда.
Кейинчалик эса мазкур терини танаси куйган беморларга кўчириб ўтказиш йўлга қўйилади.
Ҳозирда хитойлик олимлар Чунцин ҳудудидаги жанубий-ғарбий госпиталда жойлашган Бернс институтида изланиш олиб боришмоқда. Тадқиқотчилар фикрига кўра 2-3 йилдан сўнг ижобий натижаларга эришиш мумкин. Айни дамда кашфиётчилар чўчқа терисидан фойдаланган ҳолда тест синовларини амалга оширишмоқда.
