Янги дори ёрдамида менингит хавфини бартараф қилиш мумкин
Британиялик мутахассислар бурунга томизиладиган янги дори ишлаб чиқди. Бу ноёб томизғи менингит ва бошқа инфекциялар ривожланишининг олдини олиш хусусиятига эга, деб хабар беради Zee News нашри. Тахминан 10 фоиз ўсмирларнинг бурун бўшлиғида Neisseria meningitides бактерияси бўлади. У эпидемияли менингитни юзага келтиради.
Лекин бу бактерия баъзан қон оқимига тарқалади ва нафақат менингит, балки сепсис (қонга кирган зарарли микроблар туфайли бутун организмнинг заҳарланиши) касаллигини ҳам келтириб чиқаради. Менингит симптомлари пайдо бўлишидан тўрт соат ўтиб, бактерия ўлим хавфини туғдириши мумкин.
Саутгемптон университети олимлари ушбу муаммога ечим топишди. Улар бурун бўлиғида яшайдиган зарарсиз бактерияларга махсус ген ўрнатди.
Ўзгартирилган бактерия Neisseria meningitides га қарши тўсиқ вазифасини бажаради. У бурунда мустаҳкам ўрнашади ва кучли иммунитетни ҳосил қилади.
Миржалол Мадвалиев тайёрлади.
