Кашфиёт: иммунитет тизими бош мия сингари ишлайди
Австралия Миллий университети олимлари иммунитет тизимининг ноёб фаолиятини топишди. Бу кашфиёт иммунитет билан боғлиқ касалликларни даволашда ёрдам бериши мумкин.
Илк бор иммунитет ҳужайралари таркибида нерв узаткичлари бўлиши исботланди. Илгари бундай узатгичлар фақат бош мияда бўлади деб ҳисобланарди.
Тадқиқотчилар болалардан олинган 200 дан ортиқ тўқима турлари устида иш олиб борди. Асосий таҳлилда дофамин моддасининг Т-иммунитет ҳужайраларидан В-ҳужайраларга синаптик таъсир орқали ўтиши текширилди. Маълум бўлишича, ушбу жараён туфайли В-ҳужайраларининг фаоллиги ортади. Натижада, инфекциядан ҳимояловчи кучли антигеллар ишлаб чиқарилади.
Миржалол Мадвалиев тайёрлади.
