Ёшларнинг ўрни қандай
Мамлакатимиздаги сайлов жараёнларида ёшларнинг ўрни қандай?
Аслиддин САЙФИЕВ, Тошкент шаҳри
– Сайлов жараёнларида ёшларнинг фаоллиги жуда катта аҳамият касб этади. Айни дамда Ўзбекистон Республикаси Президенти сайловига ёшлар жиддий тайёргарлик кўрмоқдалар: 18 ёшга тўлган ва биринчи марта сайлов ҳуқуқини қўлга киритган ёшлар муносиб номзодга овоз бериш учун тенгдошлари орасида тарғибот-ташвиқот ишларини олиб боришда фаол иштирок этмоқда. Маълумки, жорий йилда Ўзбекистон Республикасининг “Ёшларга оид давлат сиёсати тўғрисида”ги Қонуни қабул қилинди. Бу шубҳасиз, уларни янада фаолликка, ташаббускорликка ундайди. Бу эзгу ишларнинг бари Ўзбекистон Республикасининг Биринчи Президенти Ислом Каримов томонидан мустақилликнинг илк йиллариданоқ, ёшлар масаласига катта эътибор берилганлигининг самарасидир. Сайланадиган номзодлар ҳам ўз дастурларида, чиқишларида аҳолининг турли табақалари, хусусан, ёшлар манфаатларини қамраб оладиган масалаларга алоҳида урғу беришга ҳаракат қиладилар.
Саволга пойтахтимиздаги 7-сонли Давлат нотариал идораси нотариуси Одил МУСАЕВ жавоб берди.
