РАҚАМЛИ СТЕТОСКОП
“Иш қуролинг соз бўлса машаққатинг оз бўлар”, дейди доно халқимиз. Тиббиётда ҳам тиббий диагностика асбоб-ускуналарининг созлиги, замонавий талаблар даражасида бўлиши саломатликни асрашда катта самара беради.
Сўнгги йилларда шифокорларнинг оғирини енгил қилувчи замонавий технологиялар асосида фаолият юритадиган тиббий жиҳозлар кашф этилмоқда.
Жон Чорба раҳбарлигидаги дунё олимлари томонидан яратилган “EKO CORE” стетоскопи ҳам ана шундай буюмлардан биридир.
Бу тиббий жиҳознинг адаптер мосламаси махсус маълумотлар йиғиладиган “омбор” вазифасини бажаради. Унда юрак фаолияти ҳақидаги барча ахборот жамланиб таҳлил қилинади. Стетоскопдаги махсус илова юрак уришини таҳлил қилади ва аввалдан ёзиб олинган маълумот билан таққослайди. Шундай қилиб шифокорлар юракдаги турли нуқсонлар, шовқинлар ҳамда ўзгаришларни эшитиб, кўриб, аниқлаш имконига эга бўладилар. Бу эса ўз навбатида беморга тўғри ташхис қўйиш ва унга ўз вақтида самарали муолажа қилиш имконини беради.
