Барчамиз биламизки, бугунги кунни автомобилсиз тасаввур қилиш қийин. Шунингдек, ушбу техника асрида экологик мувозанатнинг бузилиши оқибатида юзага келаётган турли-туман касалликлар туфайли дори-дармонсиз ҳам яшаб бўлмайди. Айниқса, рулга ўтирадиган бўлсангиз дори истеъмол қилишда ўта эҳтиёткорлик талаб этилади.
Автомобиль ҳайдовчилари йўлга чиқишдан аввал марказий асаб тизимига таъсир этувчи, уйқуни чақирувчи, бош айланишини вужудга келтирувчи, диққат-эътиборни сусайтирувчи айрим дориларни, яъни уйқу дори, тинчлантирувчи, ёки руҳий сиқилишга қарши, томир тортиши ва турли тошмаларга қарши пипольфен, тавегил, супрастин каби дориларни истеъмол қилмаганлари маъқул. Тўғри, йўлга чиқишдан олдин ким ҳам уйқу дорини ичарди, бу кулгили, албатта. Аммо шуни унутмаслик керакки, бир кун аввал ичилган уйқу дориси эртага ишга кетаётганда рулдаги киши учун ҳалокатни келтириб чиқариши мумкин. Негаки, айрим дориларнинг таъсир кучи 10 соатдан 70 соатгача етади. Булар диазепам, медазепам, радедорм, тазепам, элениумлардир.
Амалиётда шу нарса кузатилганки, юрак оғриғига қарши воситалар (атенолол, метацин, платифиллин, пирезипин) кўзнинг тез илғаб олиш ва кўриш қобилиятини сусайтириши мумкин.
Йўтал ва бош оғриғига қарши йўлда ичилган дорилар ҳам ҳайдовчи учун хавфсиз деб бўлмайди. Айниқса, таркибида кодеин бўлган трамедол, трамалт ретард, пентальгин, седальгин таблеткаларидан эҳтиёткорлик билан фойдаланган маъқул. Сурги дори ҳақида эса умуман гапирмаса ҳам бўлади. Демак, юқорида қайд этилган дорилар истеъмол қилинса, рулга ўтирмаганингиз маъқул. Шунда йўлдаги турли кўнгилсизликларнинг олдини олган бўласиз.
Тиббиёт янгиликларидан хабардор бўлинг!
«Соғлом Авлод» расмий Telegram каналига аъзо бўлинг.
Шу мавзудаги бошқа мақолалар
Барчаси
Тиббий сабоқларБолалар учун ингаляция: ота-оналар билиши шарт бўлган қоидалар
Совуқ ҳарорат аксарият ҳолларда саломатликка салбий таъсир қилиши аниқ. Оқибатда турли вирус ва бактериялар таъсирида грипп ва ўткир респиратор вирусли инфекциялар кўпаяди. Айниқса
Тиббий сабоқларБошни ювиб, кўчага чиқиш соғлик учун хавфли
Баъзи инсонлар қандай шароит бўлмасин, тонгда илиқ ванна қабул қилишни хуш кўради. Айримлар эса эрталаб бошини ювиб, ишга ёки ўқишга боришга одатланган. Хўш, бу қанчалик тўғри? Бош
Тиббий сабоқларКўкйўтал қандай хасталик?
Кўкйўтал нафас йўлининг жуда хавфли бактериал инфекцияси ҳисобланиб, унга йўлиққан киши йўталиши ёки акса уриши оқибатида ҳавога микроб тарқалади ва шу яқин атрофда нафас олган кши
Тиббий сабоқларКомпьютер ва телефон саломатликка қандай таъсир этади?
Бугун ҳаётимизнинг барча жабҳаларига инсон тафаккурининг маҳсули бўлган замонавий технологияларнинг шиддат билан кириб келиши, янгидан-янги имконият ва қулайликларни яратмоқда, жам