Кўчаларни ифлослантирганлик учун жарималарни ошириш таклиф қилинди

 «Mening fikrim» жамоавий мурожаатлар порталида кўча-кўйга чиқинди ташлаганлик учун жарималар миқдорини ошириш таклифи ўрин олган петиция эълон қилинди.

Мурожаат муаллифи Антон Кудрявцевнинг ёзишича, дуч келган жойга чиқинди ташланаверганлиги сабабли ахлат уюмлари пайдо бўлиб, шаҳар ва қишлоқлар қиёфаси ва санитар-гигиеник ҳолати ёмонлашмоқда, Ўзбекистон табиатига салбий таъсир кўрсатилмоқда.

Мурожаатда қайд этилишича, ҳозирги жарималар миқдори кам бўлгани учун жаримага тортиш тизими ўз самарасини бераётгани йўқ. Антон Кудрявцевнинг фикрича, жарималар миқдорини энг кам иш ҳақининг 10 дан 30 баробаригача кучайтириш орқали кўчалардаги чиқиндиларга қарши курашиш мумкин. Муаллиф Маъмурий жавобгарлик тўғрисидаги кодексига ушбу мазмундаги моддани киритиш ва маъмурий баённомани расмийлаштириш жараёнларини соддалаштиришни таклиф қилмоқда.

«Жаҳон амалиёти юқори жарималар ва баённомани расмийлаштириш жараёнининг содда тизими самарадорлигини кўрсатди. Кўчалардаги тозалик бўйича етакчи ҳисобланган кўплаб мамлакатларда (АҚШ, Австрия, Буюк Британия, Сингапур, Ирландия, Австралия, Япония, Грузия, Белорусь) жарима миқдори 100 доллардан бошланади, бундан ташқари айбдорлар жамоат ишларига жалб қилиниб, қоидабузарлик такрор содир этилса, қамоқ жазосига ҳам ҳукм қилиниши мумкин», — деб ёзади муаллиф.

Мазкур мурожаатни яна 89 кун қўллаб-қувватлаш мумкин.

Яна ўқинг:  Мобиль ўйинлар ёхуд эшик берк бўлса, дарчадан ҳатлаётган ёт ғоялар

Читайте также:

Добавить комментарий

Ваш адрес email не будет опубликован. Обязательные поля помечены *

Сообщить об опечатке

Текст, который будет отправлен нашим редакторам: