Ўз вақтида алимент тўламаган шахснинг чет элга чиқиш ҳуқуқи чеклаб қўйилади

Пойтахтимизда Суд ижрочиларининг Чилонзор туман бўлими ва  маҳалла фаоллари ҳамкорлигида алимент даврий тўловларини ўз вақтида тўламай юрган шахсларга ҳуқуқий тушунтиришлар бериш юзасидан учрашув ўтказилди.

Тадбирда Чилонзор тумани бўйича жами 1 минг 527 та алимент даврий тўловларининг бажарилиши ҳолати таҳлил қилинди. Шунингдек, алимент қарздорлиги 2 ойдан ошган фуқароларнинг чет элга чиқиш ҳуқуқи чеклаб қўйилиши алоҳида таъкидлаб ўтилди. Алимент қарздорлигини уч ойдан ортиқ муддат мобайнида қасддан тўламай келаётган шахсларга нисбатан жиноят кодексининг 122-моддасига мувофиқ жиноий иш қўзғатилиши ҳам эслатиб ўтилди.