Кечагина эди, мактабга чиқамиз деб қувончларимиздан қанот ясаганимиз. Ўқувчиликнинг таъмини тотиш дунёнинг энг ҳузурбахш неъмати эди назаримда.
Мактабга олган формаларимни ҳар куни ўн кийиб ечсам ҳам яна кийгим келаверарди. Ўқитувчи сиймоси онамдек азиз бир зот бўлиб, уларнинг қаршисида бир сўз дейишга хаёлимда ҳам ийманиб турардим. “Ўқитувчи-ўқитувчи” ўйнардик маҳалланинг болалари билан. Мен “ўқитувчи” бўлганимда оёқларим ердан узиларди гўё: Ҳамма ҳавас қиладиган, энг ширинсўз, ҳеч кимга ўхшамайдиган инсонга айланиб қолгим келарди. Шу ўйлар билан йиллар ўтди. Устозликка – шу касбга бўлган меҳрим ниҳолдек бўй чўзди. Ўқитувчиларим – Мушарраф Файзиева, Зарифа Юнусовага ўхшашни ният қилдим. Инглиз тили фани бўйича мутахассис бўлдим. Иш фаолиятимни 1991 йилда бошладим. Аввал мактабда, ҳозир коллежда ёшларга сабоқ бераман. Уларнинг ҳар бири азиз. Айниқса ҳамма “тўполончи” дейдиган болалар билан боламдек гаплашишга ҳаракат қиламан. Ана шу “тўполончи”ларнинг юрагида шундай меҳр бўладики, бир оғиз яхши сўз билан улар бошқа одамга айланади. Мана шу ҳолат менга куч беради, улардан қувват оламан. Аслида педагогиканинг асл мақсадлари энг аввалида муомала туради деб ўйлайман. Машаққатлар кўпинча ўқитувчининг асабларини таранг торттиради, аммо ўқувчиларнинг “устоз” дея сенга термулган меҳрли нигоҳлари барча қийинчиликларни зумда униттиради. Бугун мен, оилам учун бу бахтнинг таъмини тотмоқлик шарафга айланган. Фарзандларимнинг отаси Равшан Хомидов 24 йилдирки, мен билан ёнма ён бир коллежда махсус фандан устозлик қилади. Ўғлимиз Жасур эса бу йил Паркент туманидаги 34-мактабда иш фаолиятини бошлади. Фарзандинг ота-она касбининг давомчиси бўлишини кўриш қанчалар қувонч эканлигини билсангиз эди.
Кечагина эди, ўқитувчи бўлишни орзу қилгандим. Бугун оилам билан шу шарафли касб эгаси бўлдим. Шогирдларим ҳамма соҳада фаол. Шифокор, банк ходими, тадбиркор, ихтирочи ва олийгоҳ ўқитувчилари. Қутлуғ кун арафасида бир ифтихор туйдимки, устоз ва шогирдларим, фарзандларимнинг отаси ва ўғлим – касбим билан фахрлангим келди.
Тиббиёт янгиликларидан хабардор бўлинг!
«Соғлом Авлод» расмий Telegram каналига аъзо бўлинг.
Шу мавзудаги бошқа мақолалар
Барчаси
Тиббий сабоқларТерининг турига қараб юз парвариши: жараён қандай кечади?
Юз терисини парвариш қилишга киришишдан олдин, терининг қандайлигини билиб олиш зарур. Тери ундаги чиқиб турадиган ёғ ва нам миқдорига қараб шартли равишда нормал тери, ёғли тери,
ЖамиятЙод етишмовчилиги жиддий муаммо
Йод ҳаётий зарур микроэлемент ҳисобланади ва озиқ-овқатлар билан истеъмол қилинади. Қалқонсимон без гормонлари учун йод жуда зарур. Агарда организмда йод етишмовчилиги доимий равиш
ЖамиятГендер зўравонликка қарши 16 кун фаоллик
Ўзбекистонда Бирлашган Миллатлар Ташкилотининг Аҳолишунослик жамғармаси (УНФПА) томонидан Ўзбекистон Республикаси Президент ҳузуридаги Ижтимоий ҳимоя миллий агентлиги ҳамда Буюк Бр
ЖамиятИнсон нега ўз жонига қасд қилади?
Суициднинг кўпайиб бораётганлиги ҳар биримизни хавотирга солади. Ушбу долзарб ижтимоий-психологик муаммони фақат суицидологларга юклаб қўйиш билан унинг ечимини топиш анча мушкул.