Тошкент Фотосуратлар уйида мамлакатимиздаги “Меҳрибонлик” уйлари тарбияланувчилари ўртасида анъанавий ўтказилаётган “Камалак жилоси” болалар расмлари кўрик-танлови ғолибларини тақдирлаш маросими бўлиб ўтди.
“Соғлом авлод учун” халқаро хайрия фонди томонидан Ўзбекистон Республикаси Халқ таълими вазирлиги, Бадиий академия, “Sen yolg‘iz emassan” Республика жамоатчилик болалар жамғармаси ҳамкорлигида ташкил этилган тадбирда кенг жамоатчилик вакиллари, мусаввирлар, санъатшунослар, ўқитувчилар, журналистлар ва “Меҳрибонлик” уйлари тарбияланувчилари иштирок этди.
Ўзбекистон Бадиий академияси Тошкент Фотосуратлар уйида намойиш этилаётган икки юзга яқин тасвирий ва амалий санъат намуналарида акс эттирилган борлиқ, табиат, фасллар жозибаси, обод ва фаровон ҳаётимизнинг тасвирлардаги талқини катта-ю кичикни бефарқ қолдирмайди. “Камалак жилоси” болалар расмлари кўрик-танловининг якуний босқичи қатнашчилари тақдим этган бу тасвир ва амалий санъат асарлари чиндан ҳам ўзига хос ва бетакрорлиги билан ажралиб туради.
Танловда тасвирий санъат йўналишида 4 ёшдан 10 ёшгача бўлган иштирокчилар ўртасида Тошкент шаҳридаги 23-”Меҳрибонлик” уйи тарбияланувчиси Хуршид Шарипов, 11-16 ёшли қатнашчилар гуруҳида эса Тошкент шаҳридаги 30-”Меҳрибонлик” уйи тарбияланувчиси Роман Блохин биринчи ўринга сазовор бўлди. Амалий санъат йўналишида 4-10 ёшли иштирокчилар ўртасида Тошкент шаҳридаги 30-”Меҳрибонлик” уйи тарбияланувчиси Андрей Карпушин, 11-16 ёшли қатнашчилар гуруҳида Жиззах вилоятидаги 29-”Меҳрибонлик” уйи тарбияланувчиси Зоя Кузнецова биринчи ўринга лойиқ, деб топилди.
Тиббиёт янгиликларидан хабардор бўлинг!
«Соғлом Авлод» расмий Telegram каналига аъзо бўлинг.
Шу мавзудаги бошқа мақолалар
Барчаси
ЖамиятКарьера кунида нималарга эришилди?
Бугунги кунда аҳолини, айниқса, ёшларнинг бандлигини таъминлаш масаласи жамиятнинг ижтимоий-иқтисодий ривожланишида муҳим аҳамиятга эга. Куни кеча Вебстер университети таълим дасту
ЖамиятЎқувчингиз «хобби»сини биласизми?
Ўқувчилар ўртасида ҳаётга енгил муносабатда бўладиган, дунёқараши тор ва юзаки фикрлайдиган ўсмирлар ҳам йўқ эмас. Аслида ҳаёт гўзаллигидан баҳраманд бўлиш, уни қанчалар қизиқарли
Жамият“ИФТИХОР”ЛИКЛАР ИШЛИ БЎЛМОҚДАМИ?
Чирчиқ шаҳар “Ифтихор” маҳалласидаги 7-мактабда ёшлар ва аёлларнинг иш билан бандлигини таъминлаш мақсадида меҳнат ярмаркаси ташкил этилди. Маҳалладаги 278 нафар ишсиз фуқаронинг и
ЖамиятCалоҳиятли кадрлар тайёрлаш – давр талаби
Таълим масканига кирарканман бир гуруҳ оқ халатли ўқувчи қизлар салом беришиб, раҳбарият биноси томонга бошлашди: – Юринг, сизга йўлни кўрсатиб юборамиз. Биз ҳам дарсга киряпмиз.