“Аёл қалби – меҳр булоғи”

Дўстлик

Дўстлик асли ишончдан

Туғилади юракда.

Ёнингдаги сирдошинг,

Қўллайди ҳар тилакда.

Яхши дўстинг ҳаётда,

Бор йўғингни билади.

Қадрингни баланд тутиб,

Суянчиғинг бўлади.

Нодира ҚУРБОНБОЕВА,

ЎзДЖТУ қошидаги 3-сон академик лицейи ўқувчиси

---

Аёл

Аёл қалби – меҳр булоғи,

Нафосати гулларга қиёс.

Баҳра олар киши сўзидан,

Лутф айласа париларга хос.

Бешик қучиб тунлари бедор,

Алла айтиб тонгни кутади.

Фарзандига бахшида жони,

У дунёни обод этади.

Нигора ЖУМАБОЕВА,

Тошкент вилояти, Ангрен шаҳри

---

Эл корига шай бўлиб

Ҳар бир ўғил, ҳар бир қиз,

Ватан тоқида юлдуз.

Эл корига шай бўлиб,

Улғаяди шубҳасиз.

Алпомишлар қони бор,

Туганмас имкони бор.

Фахру ғурур уйғотган,

Тинчлик ёр макони бор.