Yurtimizda xalqaro badiiy gimnastika turniri o‘tkazildi
Poytaxtimizdagi Gimnastika federatsiyasida badiiy gimnastika bo‘yicha xalqaro turnir bo‘lib o‘tdi.
Sportni rivojlantirish vazirligi, Milliy olimpiya qo‘mitasi, O‘zbekiston gimnastika federatsiyasi, “FGU “O‘zavtosanoat” aksionerlik kompaniyalari hamkorligida tashkil etilgan musobaqada Armaniston, Avstraliya, Ozarbayjon, Bolgariya, Kolumbiya, Buyuk Britaniya, Gruziya, Germaniya, Italiya, Qozog‘iston, Latviya, Yangi Zelandiya, Sloveniya, AQSH, O‘zbekiston kabi 15 dan ortiq davlatlardan gimnastikachilar ishtirok etdi.
Natijalarga ko‘ra, birinchi o‘rinni o‘zbekistonlik gimnastikachi Taxmina Ikromova qo‘lga kiritib, oltin medal sohibiga aylandi.
Ikkinchi o‘rin sloveniyalik Ekaterina Videneevaga, uchinchi o‘rin esa germaniyalik Dariya Vorfolomeevlarga nasib etdi.
G‘oliblarga mukofotlar topshirildi.
Amal SALIYEVA,
Maryam AHMEDOVA
