Оила – жамият асоси
Яқинда Тошкент Ирригация ва мелиорация институти қошидаги Юнусобод академик лицейида туманидаги касб-ҳунар коллежлари ва академик лицей ўқувчилари ҳамда никоҳдан ўтувчи ёшлар иштирокидаги навбатдаги машғулот бўлиб ўтди.
2013 йил – “Обод турмуш йили” давлат дастури ижросини таъминлаш мақсадида пойтахтимизнинг Юнусобод тумани Фуқаролик ҳолати далолатномаларини ёзиш бўлими ходимлари томонидан бир қатор ибратли ишлар амалга оширилмоқда. Қатор йиллардан буён мазкур бўлим қошида жамоатчилик асосида ташкил этилган “Ёш оилалар мактаби” фаолият юритади. Аҳоли ўртасида жамиятнинг асосий бўғини – оила мустаҳкамлигини таъминлаш борасида ушбу мактаб машғулотлари муҳим аҳамият касб этмоқда. ФҲДЁ бўлими мудираси Маҳфуза Мирбобоеванинг “Фарзанд тарбиясида ота-онанинг ўрни”, “Аёл – оиланинг севимли бекаси”, “Ўспиринлик – нозик давр” каби мавзулардаги маърузалари мактаб тингловчиларида катта қизиқиш уйғотмоқда.
“Эрта ва яқин қариндошлар ўртасидаги никоҳнинг зарарли оқибатлари” мавзусида ўтказилган суҳбат сўнггида тадбир иштирокчилари ўзларини қизиқтирган саволларга жавоб олишди.
Малика ҚОСИМОВА,
Юнусобод ФҲДЁ бўлими ходими
