Афғонистонлик ёшлар ўзбек тилини ўрганмоқда
34 нафар афғонистонлик ёшлар темир йўл соҳасида Ўзбекистонда олий таълим олиш мақсадида тил ўрганмоқда.
Бу ҳақда Олий ва ўрта махсус таълим вазирлигида Афғонистон Ислом Республикаси Президентининг илм-фан масалалари бўйича бош маслаҳатчиси Лаъл Пача Азмун билан бўлиб ўтган расмий учрашувда маълумот берилган.
Юқори мартабали меҳмон афғон ёшлари ўртасида Ўзбекистон олий ўқув юртларида билим олишга бўлган қизиқиш кундан кунга кучайиб бораётгани, айни пайтда 34 нафар афғонистонлик ёшлар темир йўл соҳасида Ўзбекистонда олий таълим олиш мақсадида тил ўрганаётганини, бундайлар сони тобора ортиб бораётганини билдирган.
