Соч оқаришининг сабаблари аниқланди

АҚШ соғлиқни сақлаш Миллий институти ва Алабама университети олимлари сичқонларда олиб борилган сўнгги тадқиқотлар натижасида жиддий касалликлар ва сурункали стресс (руҳий зўриқиш) сочларнинг оқаришига сабаб бўлишини аниқлади.

Организм вирус ёки бактерияга дуч келганда туғма иммунитет фаоллашади. Ҳужайралар зарарли микроорганизмларга қарши интерферонлар ишлаб чиқара бошлайди. Бу оқсиллар вирусларнинг кўпайишига тўсқинлик қилувчи генлар экспрессияси даражасини оширади. Иммун ҳужайраларни рағбатлантиради ва организм ҳимоясини кучайтиради. Мутахассислар туғма иммунитет, MITFнинг (соч ёки тери рангини назорат қилувчи ген) транскрипцион омили ва соч оқариши ўртасидаги боғлиқликни исботладилар.

MITF меланоцитлар (меланин тусини ишлаб чиқарувчи ҳужайра) функциясини тартибга солишда асосий ролни бажаради. Айтиш жоизки, MITF интерферон реакцияни тўхтатиб туради. Агар MITF меланоцит ушбу реакция устидан назоратни йўқотса, тажриба остидаги сичқонларда юнглар оқариши юзага келган. Бундан ташқари, эрта юнг оқаришига мойиллиги бўлган сичқонларда туғма иммунитетни сунъий фаоллаштириш натижасида оқариш кўпроқ кузатилган.

 

Дилфуза АЗИМОВА

Яна ўқинг:  Ошқозон яраси ўз вақтида даволанмаса, саратонга айланиши мумкин

Читайте также:

Добавить комментарий

Ваш адрес email не будет опубликован. Обязательные поля помечены *

Сообщить об опечатке

Текст, который будет отправлен нашим редакторам: