Ҳамал кирди – амал кирди
Азиз момо олти кун,
Қаҳри келса – етти кун.
***
Аҳман музи даҳмондай бўлса ҳам, қўрқма,
Кузнинг музи кўзгудай бўлса ҳам, қўрқ.
***
Даройи ола бўлди,
Дарё бир бало бўлди.
***
Йил яхши келса, арқар кетмас.
***
Йилнинг яхши келиши баҳордан маълум.
***
Кун ғамини саҳар е,
Йил ғамини баҳор е.
***
Наврўздан сўнг қиш бўлмас,
Мизондан сўнг ёз бўлмас.
***
Пайти келса, дарахт гуллар.
***
Савр келса, муз турмас,
Қуда келса, қиз турмас.
***
Тоққа ёғса, чўл обод,
Чўлга ёғса, эл обод.
***
Чилла суви – тилла суви.
***
Эр туғилса – элнинг бахти,
Ёмғир ёғса – ернинг бахти.
***
Қантар овса, қалт этар,
Деҳқоннинг кўзи ялт этар.
***
Қантар овса, қозиқнинг бошида қор турмас.
***
Қантарда қарға одимидай кун узаяр.
***
Қарға кетмай, қор кетмас,
Турна келмай, муз кетмас.
***
Ҳут сувига ҳўкизингни суғорма.
