Юртимизда ёш авлодни маънан етук, жисмонан соғлом, юксак интеллектуал салоҳият эгалари этиб тарбиялаш, уларнинг истеъдодини юзага чиқариш ва рағбатлантириш давлатимиз сиёсатининг устувор йўналишларидан бири этиб белгиланган.
“Соғлом авлод учун” халқаро хайрия фонди, Ўзбекистон Республикаси Маданият вазирлиги, Ўзбекистон Бастакорлар уюшмаси томонидан анъанавий тарзда ўтказиб келинаётган “Санъат ғунчалари” республика ёш мусиқачилар кўрик-танлови ҳам ёшларнинг мусиқий маҳоратини синовдан ўтказиш, уларни янги парвозлар сари руҳлантиришга хизмат қилмоқда.
“Санъат ғунчалари” XIX республика танловининг тантанали очилиш маросими 27 апрель куни эрта тонгдан Ўзбекистон давлат консерваториясида бўлиб ўтди.
Анжуманда сўзга чиққанлар давлатимиз томонидан миллий мусиқа меросимизни асраб-авайлаш, ёшлар тафаккури, дунёқараши ва дидини юксалтириш, уларни мусиқа санъати дурдоналари ва жаҳон классик мусиқаси намуналаридан кенг баҳраманд этиш борасида тизимли ишлар олиб борилаётганини таъкидлади.
Танловда республикамиздаги мусиқа ва санъат мактабларида таълим олувчи ва ҳудудий босқичларда ғолибликни қўлга киритган жами 150 нафардан ортиқ иштирокчи ўз истеъдодини намойиш этди. Шуни таъкидлаш жоизки, танловнинг ҳудудий саралаш босқичлари жорий йилнинг 18-19 апрель кунлари юртимизнинг барча ҳудудларида юқори савияда ўтказилиб, унда жами 360 нафар ёш иқтидор соҳиблари қатнашди.
Иштирокчилар икки кун давомида Республика ихтисослаштирилган мусиқа ва санъат академик лицейида танлов шартларини бажаришди. Ижодкорлар ёшга кўра кичик (11-13 ёш) ва катта (14-15 ёш) гуруҳларга бўлиниб, флейта, габой, кларнет, саксафон (альт, тенор), тронбон, фагот, труба, валторна, тенор-баритон, туба, зарбли чолғулар каби йўналишлар бўйича ўз маҳоратларини синовдан ўтказди.
– Ушбу танлов устозлардан ўрганган билимларимизни яна бир бор синовдан ўтказди, – дейди танлов ғолиби Абдурашид Обидов. – Кўтаринки руҳда ташкил этилган учрашувлар, мулоқотлар кейинги изланишларимизга туртки бўлади, деган умиддаман.
Таъкидлаш жоизки, мазкур санъат фестивали республикамизда 1998 йилдан буён анъанавий тарзда ўтказиб келинмоқда.
Тиббиёт янгиликларидан хабардор бўлинг!
«Соғлом Авлод» расмий Telegram каналига аъзо бўлинг.
Шу мавзудаги бошқа мақолалар
Барчаси
МаданиятАрт терапия ва унинг шахс ривожидаги ўрни
Арт терапия – психокоррексия усули. Бу аллақачон бир неча марта яхши натижалар кўрсатган метод. Муомала жараёнида санъатнинг деярли барча турлари инсоннинг руҳий-эмоционал ҳолатини
МаданиятЎЗБЕКИСТОНДА МАДАНИЙ МЕРОС ҲАФТАЛИГИ БЎЛИБ ЎТДИ
Ўзбекистон маданий меросини ўрганиш, сақлаш ва оммалаштириш бўйича Бутунжаҳон жамияти ва ОАВ миллий ассоциацияси томонидан ташкиллаштирилган Маданий мерос ҳафталиги ўз якунига етди
МаданиятБИР ЖАМОА. БИЗ ТУРЛИМИЗ. БИЗ ТЕНГМИЗ
3 декабрь – Халқаро ногиронлар куни “Ўзбекистон” Халқаро анжуманлар саройида 3 декабрь – Халқаро ногиронлар куни муносабати билан «Бир жамоа» деб номланган катта концерт дастури на
МаданиятПсихологик портрет деганда нимани тушунамиз?
Ҳар бир одамнинг психологик портрети бўлади. Уни рассом эмас, балким Сизнинг ўзингиз яратасиз. Айнан мана шу психологик портрет бошқаларнинг Сизга бўлган муносабатини белгилаб бера