Автобус кўпчилигимизнинг кундалик ҳамроҳимиз. Айниқса, шаҳарда. Кимдир иш, кимдир ўқишга шошади. Турли қиёфалар, ҳар хил ўйлар. Хуллас, автобуснинг ичи алоҳида бир дунё. Бошқаларни билмадим-у ҳамиша автобусга чиққанимда қишлоғим ёдимга тушади.
Бизнинг қишлоқ Оқтов бағрида жойлашган. Тоғли ҳудуд, йўллар носоз бўлгани учунми бизда киракаш таксилар қатнамайди. Самарқанд-Жизмонсой йўналишида биттагина автобус бор. Ҳар куни соат 6: 00да қишлоқдан жўнайди. 17: 00да қайтиб келади. Уйга борганимда мен “шаҳарлик уйқучи” ни онам ҳамиша “Тур болам, автобус келадиган вақт бўлди. Сен ҳалиям ётибсан” деб уйғотади. Уйғонаман, қулоғимга оқ автобуснинг маҳзун сигнали эшитилади.
Бу ярим шаҳарлик оқ автобус қишлоғимизнинг тўлақонли “фуқароси”. У ўтаётганда ҳамма одамлар юмушларини тўхтатиб, то кўз илғамай қолгунча ортидан кузатишади. Бу қишлоқдаги ҳаётнинг ажралмас қисми.
Қишлоқдан кетаётган автобусни фарзандлари шаҳарга кетган оналарнинг ҳаммаси гўёки ёмон кўради, ундан ич-ичидан норози бўлишади. Ростдан ҳам айб унда-да, бир парча этлигидан дунёларга ишонмай, бор меҳрини бериб ўстирган фарзандларини энди бўй-басти етилиб, суянгудай бўлганда бағрида бешафқатларча юлиб кетган шу автобус эмасми? Бир қарашда бу авто улов ҳам айбини бўйнига олган жиноятчидек ғудраниб, ҳорғин ҳолда кетаётганга ўхшайди, аммо шаҳардан қайтаётган автобусни таниёлмай қоласиз. Унинг узоқдан эшитилган овози хўрозқанд тарқатувчи савдогарнинг ёнига ошиқаётгандек чопқиллаб кетаётган болаларнинг “Акам келаяпти!”, “Опам келяпти!” деган қийқириқларига қўшилиб, янада ёқимли жаранглайди. Болалари шаҳарга кетган оналарнинг барчаси унга ўз фарзандига қарагандек меҳр билан қарашади. Гўё, автобус ҳам қувончи ичига сиғмай келаётгандек кўринади.
Шаҳар автобуси. Кимдир иш, кимдир ўқишга шошади. Турли қиёфалар, ҳар хил ўйлар. Хуллас, автобуснинг ичи алоҳида бир дунё. Бошқаларни билмадим-у, ҳамиша автобусга чиққанимда бир нарсани ўйлайман: “Шу автобус қишлоғимга олиб кетсайди!!!”.
Тиббиёт янгиликларидан хабардор бўлинг!
«Соғлом Авлод» расмий Telegram каналига аъзо бўлинг.
Шу мавзудаги бошқа мақолалар
Барчаси
ЖамиятКарьера кунида нималарга эришилди?
Бугунги кунда аҳолини, айниқса, ёшларнинг бандлигини таъминлаш масаласи жамиятнинг ижтимоий-иқтисодий ривожланишида муҳим аҳамиятга эга. Куни кеча Вебстер университети таълим дасту
ЖамиятЎқувчингиз «хобби»сини биласизми?
Ўқувчилар ўртасида ҳаётга енгил муносабатда бўладиган, дунёқараши тор ва юзаки фикрлайдиган ўсмирлар ҳам йўқ эмас. Аслида ҳаёт гўзаллигидан баҳраманд бўлиш, уни қанчалар қизиқарли
Жамият“ИФТИХОР”ЛИКЛАР ИШЛИ БЎЛМОҚДАМИ?
Чирчиқ шаҳар “Ифтихор” маҳалласидаги 7-мактабда ёшлар ва аёлларнинг иш билан бандлигини таъминлаш мақсадида меҳнат ярмаркаси ташкил этилди. Маҳалладаги 278 нафар ишсиз фуқаронинг и
ЖамиятCалоҳиятли кадрлар тайёрлаш – давр талаби
Таълим масканига кирарканман бир гуруҳ оқ халатли ўқувчи қизлар салом беришиб, раҳбарият биноси томонга бошлашди: – Юринг, сизга йўлни кўрсатиб юборамиз. Биз ҳам дарсга киряпмиз.