МУСТАҚИЛЛИК КЎЗГУСИ

1991-йил 31-август. Ўзбекистон Республикаси Мустақилги эълон қилинди.

1992-йил 8-декабрь. Ўзбекистон Республикаси Конституцияси қабул қилинди.

1993-йил 7-май. Ўзбекистон Республикасининг биринчи ордени — “Соғлом авлод учун” ордени таъсис этилди.

1994-йил 1-июль. Ўзбекистон Республикаси Миллий валютаси — сўм муомалага киритилди.

1995-йил 26-декабрь. Ўзбекистон Республикаси Президенти Ислом Каримовнинг “1996-йилни Амир Темур йили” деб эълон қилиш тўғрисида”ги Фармони эълон қилинди.

1996-йил 19-июль. Асака автомобил заводининг тантанали очилиш маросими ўтказилди. Шу йили Дамас, Нехиа, Тиcо каби учта автомобил линияси ишга туширилди.

1997-йил 10-март. Ўзбекистон Республикаси Вазирлар Маҳкамасининг “Кадрлар тайёрлаш миллий дастурини ишлаб чиқиш тўғрисида” Қарори қабул қилди.

1998-йил 22-май. Ўзбек алпинистларидан биринчи бўлиб Рустам Ражапов Жомолунгма (Эверест) тоғининг энг баланд чўққисини забт этиб, у ерда Ўзбекистон байроғини ўрнатди.

1999-йил 2-март. Ўзбекистон Республикаси Президенти Ислом Каримовнинг “9-майни Хотира ва Қадрлаш куни деб эълон қилиш тўғрисида”ги Фармони эълон қилинди.

2000-йил 25-август. Ўзбекистон Республикаси Вазирлар Маҳкамасининг “Иқтидорли ёшлар учун “Ниҳол” мукофотини таъсис этиш тўғрисида”ги Қарори қабул қилинди.

2001-йил 20-декабрь. Қашқадарёда Шўртангаз-кимё мажмуининг халқаро тақдимоти бўлиб ўтди.

2002-йил 24-октябрь. Ўзбекистон Республикаси Президентининг “Ўзбекистон болалар спортини ривожлантириш жамғармасини тузиш тўғрисида”ги Фармони қабул қилинди.

2003-йил 15-ноябрь. Тадбиркорлар ва ишбилармонлар ҳаракати — Ўзбекистон Либерал-демократик партияси ташкил топди.

2004-йил 12-март. Хоразм вилояти Хазорасп тумани ҳудудида яна битта катта иншоат — Амударё орқали ўтган кўприк ишга туширилди.

2005-йил 8-декабрь. Президент Ислом Каримов 2006-йилни мамлакатимизда “Ҳомийлар ва шифокорлар йили” деб эълон қилишни таклиф қилди.

2006-йил 21-февраль. Республика байналмилал маданият марказида ЮНЭСКО ишлари бўйича миллий комиссия ва “Маънавият ва маърифат” Республика маркази билан ҳамкорликда Халқаро она тили куни нишонланди.

2007-йил. “Аср қурилиши” дея эътироф этилган “Тошгузар-Бойсун-Қумқўрғон” темирйўл линияси ишга туширилди.

2008-йил 2-декабрь. Ўзбекистон Республикаси Президентининг Фармони асосида Ўзбекистонда биринчи эркин иқтисодий зона — “Навоий” эркин индустриал-иқтисодий зонаси (ЭИИЗ) ташкил этилди.

2009-йил 1-сентябрь. “Ўзбекистон” халқаро анжуманлар саройида Тошкент шаҳрининг 2200 йиллигига бағишланган тантанали мажлис бўлиб ўтди.

2010-йил 27-январь. Ўзбекистон Президенти Ислом Каримов Ўзбекистон Республикаси Олий Мажлиси Қонунчилик палатаси ва Сенатининг қўшма мажлисида иштирок этди ва “Мамлакатимизни модернизация қилиш ва кучли фуқаролик жамияти барпо этиш — устувор мақсадимиздир” мавзуида маъруза қилди.