Ардоқлагум Она тупроқни

ВАТАН

Дилда Ватан ишқи жўш урар,

Қўлдан тушмас озодлик сози.

Жарангласин бутун дунёда,

Улуғ элим мағрур овози.

Ёш ниҳоллар дарахт бўлади,

Полапон ҳам ёзади қанот.

Ой ёнида митти юлдузлар,

Нури билан порлар коинот.

Ардоқлагум Она тупроқни,

Жаннат эрур ундаги ҳаёт.

Биз буюклар наслимиз асли,

Боболарим руҳи барҳаёт.

Гулчирой ЭГАМБЭРДИЕВА,

Қизилтепа Қурилиш ва уй-жой коммунал хўжалиги касб-ҳунар коллежи ўқувчиси

ОНАЖОН

Кўнглида йўқ ғубори,

Қалби меҳрга коним.

Савол берсам – билағон,

Сиз-ла шод ўтар оним.

Ғамхўрлиги бир жаҳон,

Бемор бўлсам парвонам.

Ҳамиша омон бўлинг,

Онажоним, ягонам.

Сурмахон ЭЛМИРЗАЕВА,

Фарғона вилояти, Бешариқ тумани,49-мактаб, 6-синф ўқувчиси

БОЛАЛАР БАЙРАМИ

Болаларнинг байрами,

Қувончли кундир бугун.

Ўйнаймиз завққа тўлиб,

Чеҳралар шодон гулгун.

Тинчликмакон элимиз,

Болажон халқимиз бор.

Шунинг учун бахтимиз,

Ҳамда иқболимиз ёр.

Эъзоза УСМОНХЎЖАЕВА,

Тошкент шаҳар, Шайхонтоҳур тумани,34-мактаб ўқувчиси

БУВИЖОН

Бувижоним хўп гўзал,

Сўзлари асал-асал.

Меҳр тўла кўзлари,

Кулиб турар ҳар маҳал.

Қизларнинг сараси деб,

Кўзим оқ-қораси деб,

Эркалайди туну кун,

Боламнинг боласи деб.

Бувим шундай меҳрибон,

Доно-ю билимга кон.

Ҳавас қилиб уларга,

Бўлсам дейман билимдон.

Робиябону МАҲМУДЖОНОВА,

Тошкент шаҳри, Олмазор тумани,28-мактаб ўқувчиси

ОПАЖОНИМ

Опажоним ёнимда,

– "Яхши ўқи!", – дер доим.

Билмаганим ўргатар,

Сўзлари хўп мулойим.