Олчали ширинлик
Зарур масаллиқлар:
Хамир учун: 2 стакан ун, 2 дона тухум, 50 гр сарёғ, 50 мл сув, 2 ош қошиқ шакар, ½ чой қошиқ туз, 1 ош қошиқ ванилин.
Начинка учун: оз миқдорда сарёғ, 50 гр данаксиз, музлатилган олча, 2 ош қошиқ нон талқони, 3 ош қошиқ шакар ва 2 ош қошиқ ун.
Тайёрланиши:
Тухум туз, шакар ва ванилин, сув, шакар, сарёғ ҳамда секинлик билан унни аралаштирган ҳолда қаттиқ хамир қорилади. Тайёр бўлган хамир 40 дақиқа тиндирилади.
Тиндирилган хамир юпқа қилиб ёйилади. Хамир устидан сарёғ сурилади, бир хил текисликда олча териб чиқилади. Сўнгра шакар, нон талқони ва ун сепилади. Юмшоқ ҳолатда, рулет шаклида ўралади. Хамир учлари бириктирилади.
Ширинликни печга жойлашдан аввал унинг устига тухум сариғи суриб чиқилади ва пичоқ ёрдамида хамир бироз кесиб чиқилади.
210 даражада қиздирилган печда 30 дақиқа давомида пиширилади. Тайёр бўлган ширинлик совутиб олингач, устидан қанд упаси сепилади. Ёқимли иштаҳа!
Хуршидабону
