Китобсеварлар танлови

Китоб – маънавият булоғи. Унинг ҳар бир саҳифаси изланишга, интилишга, янгиликлар яратишга чорлайди.

Бу борада Ахборот-ресурс марказлари аҳолига, ўқувчи ёшларга кенг қамровли ва сифатли хизмат кўрсатиб келаётган зиё маскани ҳисобланади. Ўқувчиларнинг бўш вақтларини мазмунли ўтказиш, болаларимиз қалбида ўқиш маданиятини шакллантириш ҳамда уларни адабиётга бўлган қизиқишини уйғотиш мақсадида ҳозирда Ахборот-ресурс марказлари томонидан режалар ишлаб чиқилиб, қизиқарли кечалар, викторина ўйинлари, кўргазма-тақдимотлар, шоир ва ёзувчилар билан учрашувлар ўтказилиб келинмоқда.

Куни кеча Юнусобод туман Ахборот-ресурс марказида “Китобсеварлар” кўрик-танлови ўтказилди. Ушбу танловни ўтказишдан мақсад Ахборот-ресурс марказлари ҳамда кутубхоналарда ёш китобхонлар билан олиб борилаётган ишларни такомиллаштириш ва ўқувчилар ўртасида адабиёт мутолаасига бўлган қизиқишни янада кучайтириш, улар қалбига миллий қадриятларни сингдириш, бой адабий меросимизга бўлган эътиборни янада шакллантиришдир.

“Китобсеварлар” кўрик-танловининг туман босқичида тумандаги бир қанча мактаб ўқувчилари иштирок этиб, бешта шарт бўйича ўзаро беллашишди. Танлов ғолиблари фахрий ёрлиқ ва эсдалик совғалари билан тақдирландилар.

Замира ЗАЙНУТДИНОВА

Яна ўқинг:  “САЛОМАТЛИК ПОЕЗДИ” НАВОИЙДА

Читайте также:

Добавить комментарий

Ваш адрес email не будет опубликован. Обязательные поля помечены *

Сообщить об опечатке

Текст, который будет отправлен нашим редакторам: