APPLEДАН АЖАБТОВУР СОАТЛАР
Apple қўл соатлари кўринишидаги “ақлли” қурилма лойиҳаси устида ишламоқда. Бу ҳақда “The New York Times” газетаси хабар бермоқда.
“Соатлар” iPhone смартфонлари, iPod Touch плеерлари ва iPad планшетларида фойдаланиладиган iOS операцион тизими остида ишлайди.
Қурилманинг ўзига хослиги – унинг эгилувчан экрани бўлиб, ахборот берувчиларнинг маълум қилишича, у қўлни ўраб олади. Тахминларга кўра, қурилма дисплейида 2012 йили Corning компанияси ишлаб чиққан Willow Glass юпқа ойнасидан фойдаланилади.
“Ақлли соатлар” ҳақида хабар тарқатган яна бир нашр – “The Wall Street Journal” маълумотларига кўра, қурилмани Apple’нинг эски ҳамкорларидан бири – Тайваннинг Foxconn компанияси ишлаб чиқаради.
Қайд этиш жоиз, Apple “соатлари” тўғрисидаги миш-мишлар интернетда аввал ҳам пайдо бўлганди. “The New York Times” газетасининг сайти 2011 йилнинг декабрида Тик Кукнинг компанияси iPod плеерининг билакда осиб юриш мумкин бўлган эгилган экранли кўринишини чиқаришни режалаштираётгани ҳақида хабар тарқатган эди.
2012 йилнинг декабрида эса Хитойнинг Tech.163 сайти Apple Intel процессори базасида экрани бир ярим дйюмга тенг бўлган ва Bluetooth модули билан таъминланган соат устида иш олиб бораётганини қайд этиб ўтганди.
